Ünner't Lüchtfüer

Niederdeutsches Theaterstück von Arne Christophersen

erschienen im Karl Mahnke Theaterverlag, Verden, 2013


Link na de Mahnke-Siet


Besetzung: 1D / 3H

1 Bühnenbild

abendfüllend

 

Paul Gebhardt arbeidet siet 14 Johr as Wärter vun een Lüchtfüer op een lütte Eiland in de Nordsee. He will vun de Welt nix mehr weten un hett sik sogoor vun sien Familie torüchtrocken. He verbringt sien Tied mit Motorsaagen un dat Scheeten vun Mööven, de he nich lieden kann.

Dat Eenzige, wat he noch weniger lieden kann as de Mööven, sünd de Assistenten, de em todeelt un vun den Postschipper Traulsen op de Insel bröcht warrn.

45 hett he all so drangsaleert, dat se gauer wedder weg weern as een kieken kunn.
De 46. aver, de junge Bengt Reepschläger, de dat vun wegen sien Speelsucht op düsse casino- aver ok kommunikationsfrieen Ort verslahn hett, is een besündere Kandidat, de sien Opgaav mit veel Witz, Fatalismus un een gehörige Portion Naivität anpacken deit.

Mit de Hölp vun Pauls Dochter Nina, de ehrn Vadder dat eerste Mal op de Insel besöcht, schafft Bengt dat, sien harte Schaal optobreken…


Herbert: Wullt du de Meen vun een utwieste Modeexperten hören oder nich?

Paul: Hm… Ja.

Bengt schweigt und macht Zeichen, dass er die Aufforderung direkt an ihn richten soll.

Herbert: Denn segg em dat.

Paul: Wat?

Herbert: Segg em, dat he di dat seggen schall…

Paul kämpft mit sich. Er stellt sich etwas dichter an Bengt heran und lässt mehr ein fragendes Geräusch als ein Wort vernehmen.

Bengt: Ik… Ik heff Se nich verstahn.

Paul schweigt.

Bengt: (zu Herbert) Ik heff em nich verstahn.

Herbert: (zu Paul) He hett di nich verstahn.

Paul: (geht noch einen Schritt auf Bengt zu und stellt sich etwas in Positur – nach langer Pause:) Un?

Bengt: (reißt die Arme hoch und jubelt) He hett mit mi snackt! (zu Herbert) Hebben Se dat höört? „Un?“ hett he seggt. „Un“! He hett snackt. Mit mi!

Herbert: Denn schullst du em man antern, anners kümmst du gor nich mehr to Woort. Wenn de eerstmal in Gang is…

 

aus: "Ünner't Lüchtfüer" von Arne Christophersen, erschienen im Karl Mahnke Theaterverlag, 2013; UA 15.3.2014, ndb Flensburg