De Vagels is dat piepegal!

Niederdeutsche Komödie von Arne Christophersen

erschienen im Karl Mahnke Theaterverlag, Verden, 2014


Link na de Mahnke-Siet

 

Besetzung: 4w/6m oder neu: 3w/5m

1 Bühnenbild

abendfüllend

 

 

Fred mag sienen Imbiss. Ok wenn düsse Imbiss in sien lüttje Dörp nich richtig lopen deiht. Ok wenn dat Gesundheitsamt jümmer wedder för de Döör steiht un em mit niee Oplogen piesackt. He will nix anners, as een beten för sik hen friteern un aff un an mal sien Höhnerzucht begööschen. Aver all dat ännert sik jüst in de Momang, as he tofällig as Dänzer in een Internetvideo för Furore sorgt - un dat ok noch in een Höhnerkostüm. Woans dat sien Leven un dat vun sien Familie un Frünnen dörnanner bringt, woans een Gymnastikgruppe to een Videoballet muteert, een lüttjet Kohdörp sien eerste Facebook-Party beleevt un woans dat allens Fred to'n goden Sluss dorto bringt, sien Leven in een heel anneret Licht to sehen, wiest de niee Komödie vun Arne Christophersen, schleswig-holsteinischer Theoterautor un Översetter, de ok sien twittet Stück in sien Heimat ansiedelt un mit de typisch dröge Charakterköpp bestückt hett.

De Komödie „De Vagels is dat piepegal!“ gifft dat ok in een hochdüütsche Fassung ("Den Vögeln ist das piepegal!").

Textauszug:

FRED:  Wat hest du di blots dacht, Piet? Ik heff mi sowat vun verfehrt.

PIET: (lacht) Minsch Unkel, wat meenst du wohl, woans ik mi verfehrt heff. Ik wull doch blots een Kamera installeeren, üm een Video för een Referat to maken. Un op Mal rennt dor een gröhlendet Riesenhehn in de Stall un danzt.

FRED: Ik weer een Zwergbrakelhehn.

PIET: Hebben dat dien Höhner ok wusst? De weern ja reinweg ut de Tuut.

FRED: Hoffentlich hebben se keen Knacks kreegen. Ik will doch...

PIET: ... na de Landesschau vun de DLRG oder wo dat heet. Ik weet, hest du mi doch vertellt!

FRED: VHGW. Verein...

VOSS: (völlig entgeistert) Seggen Se mal: Hett Se een in’n Breegen scheten oder wat is hier los?

FRED: (erschrocken) Oh. – Se sünd...?

VOSS: Un Se sünd?

FRED: Ja.

VOSS: Wat ja?

FRED: Ik bün...

VOSS: Schall ik Se wat vörgackern oder finnen Se Ehr Spraak glieks wedder?

FRED: Ik bün... Ik bün...

VOSS: Krank! Se sünd total krank, glööv ik.

MIKE: Villicht Vagelgrippe?

VOSS: Dormit makt een keen Witze. Düsse Laden höört ünner Quarantäne.