Wokeen all mal op de Bühn vun een Theater stunnen hett - wat dat nu in't Schauspeelhuus weer oder inne Saal vunne Gasthoff anne nechsde Eck - de kennt de lütten un groten Tragödien, de sik bi't Verdeelen vunne Rullen, bi't Lehrnen vun de Text, bi't Söken vun de Requisiten, de Opbuu vun't Bünnenbild, bi't Prooven un bi de Opföhrungen affspeelen köönt. Ob nu in't grote Staatstheater oder bi de lütte Speeldeel, dat Leven in, neben un mit dat Theater is för alle Bedeeligten een echte Prövung. Ok de Theatergrupp ut Heggerott beleevt düsse Kalamitäten in all ehr Facetten. Vun't eerste Lesen över de verdreihte Generalproov bet hen to de to'n Erfolg verdunnerte Premiere bi't Erntedankfest vun't Dörp – ok hier schleit dat Theoter wedder un wedder to un wiest, dat doch dat Leven förwiss de verrücktesten Geschichten schrifft.