Anne Avend vunne 28. Dezember 1978 fangt ganz inne Norden vun Schleswig-Holsteen dat Weihen an. De Temperatur fallt wiet ünner den Gefreerpunkt un föhrt dorto, dat dat Leven meist still steiht. De ieskoole Storm, de över't Land jaagt, maakt, dat de Schnee sik meterhoch optürmen deiht un allens in Chaos to stööten schient.

In düsse Nacht verschwindet in een lütten Dörp ganz neeg bi de dänische Grenz de niee Referendarin ut de Dörpschool. Oberwachtmeester Lüdke - vun de Welt affsneeden as de Rest vun't Dörp - maakt sik doran, na Spooren vun de junge Fruu to söken. Op düsse Söök aver stött he op Geschichten un Geheemnisse, de de Lüüd in't Dörp veel lever wiederhen ünner de dichte Schneedeck verstobbt harrn.